Экологиядә дә бәхәскә урын бар

"Безнең фикер" дебатлар лигасы ел дәвамында узучы ярыш. "Сәләт" йортында татарча бәхәсләр инде өченче ел бара. Биредә мәктәп балалары, студентлар ясау осталыгында ярыша. Әлбәттә, монда аудитория алдында оста аралашу сәләте генә сыналмый. Ә төрле өлкәләрне белү, эрудиция, гыйлем көче, үз фикереңне дәлилләп җиткерү сәләте дә кирәк.

Укучыларны кызыксындарган беренче сораучуп ташлау темасы иде. Алар да яз көнне кар асыннан чыккан чүпне игътибарсыз калдырмаган.

- Атнасына ике тапкыр республика территориясен һавадан тикшерәбез. Шунда шаккатам, чүпләр юл кырыенда да, ерганакларда да түгел, ә чип-чиста, матур болын уртасында җыелып ята. Анда кадәр чүпне ташлар өчен барып та җитәргә кирәк бит әле. Районнарның экологик халәтен дә күзәтәбез. Аларның чисталыгы күбрәк җитәкчеләрдән тора. Иң чиста районнар Казан артында. Әлмәттә чүплек ачыклану белән бетерелә. Безнең кешеләрдә экологик үзаң өлгермәгән әле, - ди Фәрит Абдулганиев.

Әлбәттә, сөйләшү экология темасы тирәсендә генә бармады. Балалар министрдан лидерлык серләрен, борчыган экологик мәсьәләләре, чишелмәгән проблемалар турында да сорашты. Фәрит Абдулганиев үзе дә дебатларда ишетергә теләгән темаларын билгеләде. Шуларның берсе - хуҗалыклардагы тирес үтильләштерү мәсьәләсе.

- Безнең дә дебатларга куелырдай, бәхәсле проблемаларыбыз бар. Мәслән, авыл җирендә яшәүче кеше мал тиресен кая ыргытырга тиеш. Ул аны авыл читенә илтеп ташлый. Без моның өчен 200 мең сум штраф салырга тиеш. Ләкин бу бит хуҗалыкның бер еллык кереме. Шул рәвешле авыл хуҗалыгына авырлык китерәбез. Бу ике яклы фикер тудыра, - диде министр бәхәсләшүгә оеткы салып.

"Безнең фикер" финалистларының ел саен республика лидерлары белән очрашуы үзе бер күркәм традициягә әйләнде инде. Узган ел алар Татарстанның ДәүләтСоветы рәисе урынбасары Римма Ратникова белән очрашты.