Элеккеге Казан түрәсен мошенниклыкта гаепләгәннәр

Бу хакта Mash телеграмм каналы хәбәр итә. Зыян күрүчеләрнең берсе сүзләренчә, ул 10 млн сум акча керткән. Ә файдасын күрмәгән. 

- Сивов белән инде 10 ел танышмын, кайчандыр аңарда шәхси үсеш курслары уздым. 2021 елда танышым мине үзенең бизнес-партнеры Денис Фәтхуллин белән таныштырды, ул, аның сүзләренчә, капиталны «арттыру» буенча эксперт булган, — дип сөйләгән Казанда яшәүче бер эшмәкәр. 
Билгеле булганча, Фәтхуллин һәм Сивов шул эшкуарны үзләренең "ышанычлы проектына" акча кертергә күндергән. Ир-ат аларга 10 млн сум акча биргән — 3 млн сум Сивовка һәм тагын 7 млн сум — Фәтхуллин кесәсенә кергән. Эшмәкәр 550 меңне генә кире ала алган, ә калган акчалар эзсез югалган. 

Хәзер Фәтхуллин качып йөри, ә Сивов бөтен җаваплылыкны аңа аударырга тырыша. Беренчесенә карата инде Россия Җинаять кодексының буенча «оешкан төркем тарафыннан яки аеруча зур күләмдә кылынган мошенниклык» маддәсе буенча җинаять эше кузгатылган.