#Кыскача яңалыклар 17 июня 2021, 08:49

Елгага сикергән егетне аңсыз хәлдә хастаханәгә илткәннәр

17 июня 2021, 08:49

Казанда яшәүче бер ир-ат Боровое Матюшинода суднолар өчен ясалган корылмадан Идел елгасына сикереп, умыртка баганасын сындырган.

Скопировать ссылку

Ир-атны аңсыз хәлдә Татарстанның Республика клиник хастаханәсенә илтәләр. Бу хакта клиника матбугат хезмәтендә хәбәр иттеләр.

14 июньдә Казанда яшәүче 36 яшьлек ир-ат хатыны һәм кечкенә улы белән Идел елгасы ярында ял итә. Әти кеше улын суга чумарга һәм башы белән аска сикерергә өйрәтергә карар кыла.

Ир-ат пирстан башы белән суга сикерә һәм елга төбенә бәрелә, шуннан соң аякларының хәрәкәтләнмәвен сизә. Судан аны хатыны һәм башка ял итүчеләр чыгара.

Ир-атны аңсыз хәлдә Республика клиник хастаханәсенә китерәләр һәм шунда ук реанимациягә озаталар, бераз соңрак умыртка баганасының муен бүлегенә операция ясыйлар.

Чыганак: "Татар-информ"

Кызыклы яңалыкларны күзәтеп бару өчен Телеграм-каналга кушылыгыз.