Элвин Грей китә. Кая?..

Башкортстан башлыгы  Радий Хабиров мәдәният эшлеклеләре белән очрашуда Элвин Грейдан кая китәргә җыенуын сораган. Хәбиров инстаграмда җырчының хатынының әйберләр җыюын (без бу хакта язган идек) күргәнлеген әйтеп, кая җыенулары белән кызыксынган. Сез Казанда да, Уфада да яшисез, анысы белән килештек, өченче шәһәрне дә сайламыйсыздыр инде, дигән ул. Аңа җавап итеп Элвин Грей, без республикада, дигән. Әмма бүген җырчының Таиландка китүе билгеле булды, дип яза "Башинформ". Бу турыда аның продюсеры хәбәр иткән. Элвин Грей хатыны белән ай ярымга  Таиландка китә икән. Ул анда яңа альбомын эшләячәк.