Эшсезләргә ярдәм итү – игътибар үзәгендә

Бүген республиканың мәшгульлек үзәкләренә 16 мең 625 кеше эшсез буларак теркәлгән. Татарстан Президентының матбугат үзәге җитәкчесе Лилия Галимова хәбәр иткәнчә, Россия Президенты кушкан ярдәм чаралары республикада кыска вакыт эчендә оештырылган.

Күптән түгел Рөстәм Миңнехановның контактсыз дистанцияле формада эшли торган бер мәшгульлек үзәгендә үзе дә булуын да билгеләп үтте ул. 9 апрельдән 21 апрельгә кадәрге аралыкта “Работа в России” порталына 25 мең 752 гариза килеп ирешкән. Шушы чор эчендә гариза биргән 1 мең 543 кешегә пособие билгеләнгән. Әлеге мәйданчык контактсыз һәм оператив рәвештә эшләргә мөмкинлек бирә, диде Галимова.