Европада коронавирустан үлүнең беренче очрагы теркәлгән

Франциядә 80 яшьлек кытай туристы коронавирустан үлгән. Илнең сәламәтлек саклау министры Аньез Бузин әйтүенчә, ул Хубэй провинциясе кешесе булып, Франциягә 16 гыйнварда килгән булган.

25 гыйнварда турист хастаханәгә озатылган. Хәле исә бик тиз кискенләшкән. 

Франция территориясендә барысы  коронавирус белән авыруның 11 очрагы теркәлгән. Кытайда коронавирусны 66 492 кеше йоктырган.

1 523 кеше шуннан үлгән. 8 096 пациент сәламәтләнгән.