Казан Сабан туйларында баш батырларга нәрсә һәм ничек бирәчәкләр?

Быел Казанда милли бәйрәм 19 июньдә  берничә мәйданда уза: Дәрвишләр бистәсе, Аккош күле һәм Тынычлык бистәсе. Һәр мәйданда да көрәштә батыр калучыларга квадроцикллар бүләк ителәчәк. 

"Җиңүче жирәбә принцибы буенча түгел, кем көчле - шул җиңәчәк", - диде Казан шәһәре Башкарма комитетының мәдәният идарәсе җитәкчесе Азат Абзалов. 

Бу ялларда Ульяновск өлкәсендә узачак Федераль Сабан туенда да абсолют батыр шул рәвешле билгеләнәчәк, ди Бөтендөнья татар конгрессы Башкарма комитеты җитәкчесе Данис Шакиров.