Гриппка каршы вакцина кадаттыңмы әле?

Татарстанда гриппка каршы 17% кеше прививка кадаткан. Бу хакта Роспотребнадзорның ТР буенча идарәсе җитәкчесе урынбасары Любовь Авдонина хәбәр итте.
Аның сүзләренчә, прививка кадатучыларның аз булуы беренче партиянең аз күләмдә кайтарылуы белән бәйле - 680 мең. Бүген республикага 320 мең данәдә вакцинаның яңа партиясе кайтты.

Моннан тыш, Авдонина республикада грипп белән чирләп китүнең беренче очраклары ноябрь башында теркәлүен сөйләде.
"Моны яхшыга фаразламас идем. Алга таба вәзгыять үсәчәк, чөнки грипп бездән беркая да китмәде ", - дип өстәде ул.