Иң матур чыршы кайда?

Казан "гүзәлкәйләре" өчен аерым номинация дә булдырылган. Шәһәрнең теге яки бу районындагы чыршыны һәм анда узган Яңа ел чараларын биш баллы шкала белән билгеләргә була. Моның өчен Татарстанның муниципаль берәмлекләре порталының "Татарстанның муниципаль берәмлекләре арасында иң матур бизәлгән Яңа ел чыршысы" конкурсы" дигән бүлегенә керергә һәм тавыш бирергә кирәк. Бәйгене республиканың Иҗтимагый палатасы уздыра. Конкурска йомгак 1 февральдән дә соңга калмыйча игълан ителәчәк.