Ике көн буе боз астында торган фураны чыгарганнар

Түбән Кама районында Чулман аша кичүдә боз астына киткән күп тонналы фураны чыгарганнар.
Исегезгә төшерәбез, йөк машинасы 8 гыйнварда боз астына төшеп киткән иде. Бу урында йөрү өчен рөхсәт ителгән масса - 3,5 тонна, ә фураның авырлыгы 35 тоннага якын булган. Машина йөртүче сүзләренә караганда, ул навигатор буенча адашып бирегә килеп кергән.
"Грузовая эвакуация" фирмасы башлыгы Ростислав Веселов сүзләренчә, фура 1,5 метр тирәнлектә булган. Урынга фураны судан тартып чыгару өчен тягач чакырганнар, дип хәбәр итә НТР телеканалы.