Инсульт кичергән авыруларга бушлай дару бирү туктатылган

Моннан тыш,  йөрәк һәм кан тамырларына (йөрәк клапаннарына протез куелган, аортокорон шунтирицияләү яки кан тамырларын стентацияләү) операцияләр кичергән хасталар да бушлай медицина ярдәме белән тәэмин ителмәячәк. 

Бу ТР хөкүмәтенең 27 апрельдә имзаланган карары белән расланды. Санап үтелгән категорияләр, һәрхәлдә, 2022 елга кадәр даруларны бушлай ала алмаячак.

ТР сәламәтлек саклау министрлыгы исә, әлеге карарның үтәлешен контрольдә тотарга тиеш. Өстәп әйтик, биредә сүз амбулатор дәваланучы авырулар категориясе турында бара.