#Кыскача яңалыклар 19 май 2018, 11:25

Июньдә өстәмә ике көн ял итәчәкбез

19 май 2018, 11:25

Июньдә безне ике өстәмә ял көне көтә. Россия Федерациясенең Хезмәт кодексының 112 маддәсе буенча, 12 июнь – Россия көне – бәйрәм ял көне булып тора, дип яза Казан мэриясе сайты. Моннан кала, Татарстанның «Татарстан Республикасында бәйрәм көннәре һәм истәлекле даталар турында»гы закон буенча, Ураза бәйрәме дә бәйрәм ял көне булып хисаплана. Быел бәйрәм 15 июньгә туры килә.

Скопировать ссылку

Моннан кала, ял көннәрен һәм бәйрәм ял көннәрен рациональ файдалану максатыннан шимбә 9 июньгә туры килгән ял көне дүшәмбе 11 июньгә күчерелә.
Бәйрәм ял көне алдыннан эш көне бер сәгатькә кыскара.

Шулай итеп, 2018 елда биш көнлек эш атнасында 10, 11, 12, 15, 16 һәм 17 июнь көннәре ял көннәре булачак. 9 һәм 14 июньдә эш көннәре бер сәгатькә кыскара, дип хәбәр итә Хезмәт министрлыгы матбугат хезмәте.

Кызыклы яңалыкларны күзәтеп бару өчен Т елеграмга кушылыгыз.

#ял