Камилә Вәлиева: "Мин арыдым..."

Кичә Камилә Вәлиеваның, Спорт арбитраж судының күчмә панеле (CAS) чыгарган карар нигезендә, Олимпиадада шәхси турнирга кертелүе билгеле булды. Бүген сәгать 16.52дә Камиләнең чыгыш ясавы көтелә.  "Бу көннәр минем өчен бик катлаулы булды, һәм инде хис-кичерешләр җитми. Шатланам, әмма эмоциональ яктан арыдым. Шуңа күрә күземдә бәхет яшьләре дә, бераз борчу да. Шул ук вакытта Олимпиада уеннарында катнашуым һәм безнең илне тәкъдим итүем белән бәхетле. Мөмкин кадәр яхшы нәтиҗә күрсәтермен дип өметләнәм", - диде Камилә "Беренче канал" эфирында күз яшьләре аша.