Казан яңа елга әзерләнә

Сәүдә үзәкләрендә чыршылар күренә, мэрия яңа ел бүләкләре әзерләү белән мәшгуль. Үзәк чыршы һәм төп күңел ачу чаралары «Казан» гаилә үзәге янында булачак. Анда боз шәһәрчеге ачылыр, дип көтелә. Яңа ел бәйрәмнәрен үткәрү һәм Үзәк шәһәр чыршысын бизәү өчен Казан мэриясе 5,2 миллион сум акча бүлеп бирәчәк. Үзәк мәйданнан тыш Казанның башка урыннарында да чыршылар куелачак. Бәйрәм чаралары 20 декабрьдән башлап 13 гыйнварга кадәр дәвам итәчәк.