Казанда Ирек Миңнәхмәтов исемендәге урам барлыкка киләчәк

Казанның бер урамын “Татспиртпром”ның элеккеге генераль директоры Ирек Миңнәхмәтов исеме белән атыйлар. Бу хакта башкала мэриясе сайтында документ урнаштырылган. Җитәкче исеме Казанның Совет районында яңа формалашып килә торган урамга бирелә.

Билгеле булганча, Ирек Миңнәхмәтов быелның 13 мартында кырыгынчы яшендә вафат булды. 2020 елның гыйнварына кадәр ул “Татспиртпром”ны җитәкләде, аннан соң бу вазыйфадан китеп, шәхси бизнесы белән шөгыльләнә башлады. Үлем сәбәбен йөрәгендә өзелгән тромб дип атаганнар иде.