#Кыскача яңалыклар 17 мая 2019, 10:13 Уку өчен 2 минут

Казанда Кабан күлендә нимфея барлыкка килгән

17 мая 2019, 10:13

Уку өчен 2 минут

Казанлылар яратып өлгергән нимфеялар – су лилияләре яки төнбоеклар дип атасак та була Кабан күлендә кабат пәйда булган. Аларны кыш чыкканнан соң питомниктан алып килгәннәр, дип яза KZN.RU

Скопировать ссылку

Нимфея салкыннарны 2 метр тирәнлектә табигый сулыкларда үткәрә, бу су туңу дәрәҗәсеннән түбәнрәк. Елның салкын вакытында ак төнбоекның су астындагы өлеше үлә, ә язын тамырларда яңа үсентеләр барлыкка килә.

Белгечләр билгеләп үткәнчә, әлеге үсемлекләр җылы су һәм кояшны ярата, ә майның эссе башы аларны хәзердән үк күчереп куярга мөмкинлек биргән. Алар майдан алып сентябрь-октябрь айларына кадәр чәчәк ата. Һәр чәчәк иртән ачыла һәм кояш бату белән ябыла, дип хәбәр ителә Instagramдагы Кабан күленә багышланган биттә.
Шәһәрлеләр нимфеяларны Сәлимҗанов урамы ягыннан өянкеле күзәтү мәйданчыгы янында карый алалар.

Кызыклы яңалыкларны күзәтеп бару өчен Вконтактега кушылыгыз.