Казанда лайм согы кушылган майонез чыга башлаган

Күптән түгел «Нәфис-Биопродукт» кулланучыларга, Көнчыгыш белән Көнбатыш традицияләрен кушып, үзенчәлекле тәмгә ия майонезлар тәкъдим иткән иде. Халык аларны яратып кабул итте. Кулланучы мәнфәгатьләрен истә тотып, россиялеләрнең цитруслы тәмнәргә өстенлек бирүен исәпкә алып, бәйрәм алдыннан лайм согы белән майонез ясаганнар. Әлеге продукт С витаминына бай, башка минераллар белән дә тулыландырылган. Сүз уңаеннан, Nielsen оешмасы тикшерүләре буенча, 2016 елда Россиядә иң популяр соус булып майонез табылган. Mr.Ricco майонезлары исә рейтингта – дүртенче баскычта. Ә Mr.Riccoның кетчуплары, Россиядә беренчеләрдән булып, дәүләт сыйфат билгесенә лаек булганнар иде.