#Кыскача яңалыклар 01 апреля 2020, 14:03 Уку өчен 2 минут

Казанда мошенниклар коронавирусны ачыклый торган тест сата башлаган

01 апреля 2020, 14:03

Уку өчен 2 минут

Казанда мошенниклар коронавируска тестлар сатып алырга тәкъдим итә башлаган. Ялган белдерүләр күпфатирлы йортларның мәгълүмат стендларында урнаштырыла.

Скопировать ссылку

Игъланнарда коронавируска тестларны 27 марттан 8 апрельгә кадәр ташламалы бәяләрдән сатып алырга, ә сатып алу турындагы барлык мәгълүматны сайттан белергә мөмкин, диелә. Сайтка сылтама код формасында күрсәтелә.

Россия Эчке эшләр министрлыгының Казан буенча идарәсе хәбәр иткәнчә, бу мәгълүмат чынбарлыкка туры килми. ТР Сәламәтлек саклау министрлыгы мәгълүматлары буенча, коронавируска тестларны мөстәкыйль сатып алу мөмкинлеге дә каралмаган.

Авыруны ачыклый торган тест тапшыру өчен авыз һәм борын куышлыгыннан биоматериал алу теләсә кайсы медицина оешмасында табиб юлламасы һәм авыру симптомнары булганда гына башкарыла. Тестны Россиягә дөньяның башка илләреннән килүчеләр һәм коронавирус расланган кешеләр белән элемтәдә булганнар гына уза ала.

Кызыклы яңалыкларны күзәтеп бару өчен Вконтактега кушылыгыз.