Казанда "Тандем" сәүдә үзәген эвакуацияләделәр

Бу хакта Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр. Янгын сүндерү сигнализациясенең эшләве турындагы хәбәр ашыгыч хезмәтләргә бүген 13:19 сәгатьтә килде. Янгын сүндерүчеләр килгәнче сәүдә үзәге администрациясе 250 кешене - килүчеләр һәм персоналны эвакуацияләде. Янгын сүндерүчеләр бинаны карап чыкканнан соң, борчылу ялган булып чыкты, дигән нәтиҗә ясадылар. Сәүдә үзәге эшен дәвам итә. 

Фото: google.com/maps