Казанда төрмәдән чыгучылар өчен күп функцияле тернәкләндерү үзәге булачак

Бу хакта "Социаль реабилитация һәм адаптация үзәге" автоном коммерцияле булмаган оешмасы генераль директоры Азат Гайнетдинов хәбәр итте. Хәзер 100 кешегә исәпләнгән бу үзәк өчен бина эзләү белән мәшгульләр. Биредә яшәр өчен тулай торак та булачак, элек хөкем ителүчеләргә җәмгыятькә яраклашу, өстәмә белем алу, эшкә урнашу мөмкинлеге дә тудырылачак. Медицина, юридик, психология ярдәме дә күрсәтеләчәк.