Казаннан Волгоградка самолетлар оча башлады

Татарстан башкаласыннан Волгоградка атнасына ике тапкыр - сишәмбе һәм пәнҗешәмбе көннәрендә "Bombardier CRJ200" лайнерлары оча. Ике шәһәр арасын үтү өчен ике сәгатьтән кимрәк вакыт кирәк. Әлеге программа 2015 елның октябрь ахырына кадәр гамәлгә ашырыла. Рейслар төбәкара пассажирлар ташу программаларын субсидияләү кысаларында башкарыла. 1 октябрьдән 15 октябрьгә кадәр бер якка билетларны 1600 сумга алырга була.