#Кыскача яңалыклар 20 июня 2017, 12:55 Уку өчен 2 минут

Кемнәр кем булды?

20 июня 2017, 12:55

Уку өчен 2 минут

Казан мэры Илсур Метшин кичә «эшлекле дүшәмбе» киңәшмәсендә шәһәр Башкарма комитетында кадрлар үзгәрешләре белән таныштырды.

Скопировать ссылку

Архитектура һәм шәһәр төзелеше идарәсен җитәкләгән Владимир Фомин мэр киңәшчесе итеп күчерелде. Илсур Метшин, бу үзгәртүнең максаты - муниципаль хезмәт күрсәтүләрдә «бердәм тәрәзә» оештыруны тизләтү зарурлыгы, дип аңлатты. Архитектура һәм шәһәр төзелеше идарәсе җитәкчесе итеп моңа кадәр тышкы реклама һәм мәгълүмат идарәсен җитәкләгән Ирина Дябилкина билгеләнде. Аның урынын тышкы реклама һәм мәгълүмат идарәсе җитәкчесе урынбасары булып эшләгән Әскар Баһаветдинов алды.

«Парклар һәм скверлар дирекциясе» муниципаль бюджет учреждениесе җитәкчесе итеп Алсу Карякина билгеләнде. Мэр Илсур Метшин сүз уңаенда әйтеп үткәнчә, соңгы берничә елда Казанда 53 парк һәм сквер төзекләндерелгән.