Хакимияткә – дәрес

Белгечләр халыктан килгән шикаятьләр элек муниципаль дәрәҗәдә хәл ителсә, хәзер исә төбәк дәрәҗәсендәге җитәкчелеккә карата кызыксыну артты, дип саный. Бу хакта алар “Волга” экспертлар советы утырышында да фикер алышты.

- Без хәзер бик стандарт булмаган шартларда калдык. Конституциягә кертеләчәк үзгәрешләр хакимиятнең төрле тармакларында үзара эшчәнлекне ныгытуга корылган иде. Ә коронавирус белән килеп чыккан бу вакыйгалар моны тикшереп карый төсле. Хәзерге вакытта халык белән элемтәне ныгытырга, алар белән сөйләшергә, аңлатырга кирәк, - дигән фикердә Россия сәяси консультантлар ассоциациясе президенты Алексей Куртов.

- Халыкның социаль көтүләре барлыкка килде. Шуңа да гражданнар хакимияткә сынап карый төсле. Җирле хакимиятнең мондый очракта максаты — үзләренең антирейтингларына тәэсир итә торган гамәлләр кылмау. Сәяси яктан безнең барыбыз да бер көймәдә икәнне күрсәтү дөрес булачак, - дигән фикерен җиткерде “Петербургская политика” фонды җитәкчесе Михаил Виноградов.

Сәясәтче Аббас Галләмов фикеренчә, җирле хакимият Мәскәү тарафыннан җитди контрольгә өйрәнгән.
- Мәскәү тарафыннан “үзегез хәл итегез” дигән әйбер күптәннән юк иде инде. Хәзер исә коронавирустан алып, төрле икътисади мәсьәләләргә кадәр ирек куела. Хәзер төбәкләрдәге хакимиятне мөстәкыйльлеккә өйрәтәләр, - ди ул.


                                                                                                                                                           Лилия ЛОКМАНОВА.