Халык санын алуга район һәм шәһәрләргә 60,7 млн сум тараталар

Бүген Татарстан Дәүләт Советы депутатлары җәйге ял алдыннан соңгы утырышка җыелды. Аның кысаларында 2021 елга һәм 2022 һәм 2023 план өлешенә бюджет турында законга үзгәрешләр кертүне хуплады.

Яңа закон проектын депутатларга парламентның Бюджет, салымнар һәм финанслар комитеты рәисе Леонид Якунин тәкъдим итте. Аның сүзләренчә, муниципаль районнардагы җирле үзидарәләр һәм шәһәр округлары Бөтенроссия халык санын алуга әзерлек һәм үткәрүгә вәкаләтләр бирелгән.

“Моңа бәйле рәвештә, 2021 ел бюджетында каралган 60,7 млн.сум республика районнары һәм шәһәрләренә бүлеп бирелсен өчен Икътисад министрлыгына тапшырыла. Моңа кадәр алар Татарстан Финанс министрлыгы счетында исәпләнгән. Бу акчалар федераль казнадан бүленгән һәм республика бюджетыннан өстәмә финанслау таләп ителми. Шуңа күрә агымдагы ел бюджетының керемнәр һәм чыгымнар  өлеше элеккечә кала", - дип аңлатты профильле комитет җитәкчесе. 

Билгеле булганча, Россия Президенты Владимир Путин карары нигезендә, Бөтенроссия халык санын алу 1-31 октябрь көннәрендә үткәреләчәк. Ә аның беренче нәтиҗәләре 2022 елның апрелендә билгеле булачак.