#Кыскача яңалыклар 30 марта 2020, 21:06

Коронавирус туйларга да "бәрде": Татарстанда гаилә коруны тыйдылар

30 марта 2020, 21:06

Илдә коронавирус таралуны булдырмау максатыннан, Татарстан хакимияте гаиләләрне теркәүне билгесез вакытка кадәр кичектерү хакында игълан итте.

Скопировать ссылку

Бу хакта республика Министрлар Кабинеты карарында телгә алына.

Документ нигезендә, Татарстанда “бала туу, кеше үлеме һәм аерым шартлар булмаганда, гражданлык хәле актларын теркәү туктатыла”, диелә.

РФ Гаилә кодексының 11 маддәсендә язылганча, “аерым шартларга” йөклелек, бала туу, гаилә коручыларның берсенә үлем куркынычы янау һәм башка очраклар керә.

Россиядә коронавирус инфекциясе белән авыручылар саны 1836 га җиткән. Бүген генә дә илебезнең 35 төбәгендә 302 яңа очрак теркәлгән. Бәхеткә, бу исемлектә Татарстан юк.

Илебезгә әлеге авыру үтеп кергәннән вакыттан алып, барлыгы 66 кеше дәваланган, 9 сы вафат булган.

Кызыклы яңалыкларны күзәтеп бару өчен Телеграм-каналга кушылыгыз.

#коронавирус, гаилә