Коронавирусны дәвалаучы бердәнбер чара нинди?

Вируска турыдан-туры йогынты ясаучы һәм аны дәвалый алучы бердәнбер чара – COVID-19 белән чирләгән кешенең кан плазмасын салу. Бу хакта КФУ профессоры Альберт Ризванов хәбәр итте.

"Ул очракта плазмадагы антитәнчекләр вирус белән көрәшеп, аны җиңә алачак", - ди ул. Бу ысулны Татарстанда гына түгел, бөтен дөньяда кулланалар. Казанда кан плазмасын Республика кан үзәгендә тапшырырга мөмкин.

Хәзерге вакытта КФУның йогышлы авырулар госпиталендә дәваланучы авыручылар өчен КФУ базасында да кан плазмасы җыю планлаштырыла.