Коронавируска каршы вакцина ясатыр алдыннан балага нинди анализлар бирергә, нәрсәгә игътибар итәргә кирәк? Бу сорауга медицина фәннәре кандидаты, балалар табибы, Балалар республика хастаханәсенең балалар пульмонологы Илнур Закиров җавап бирде.
Скопировать ссылку
Коронавируска каршы вакцина ясатыр алдыннан балага нинди анализлар бирергә, нәрсәгә игътибар итәргә кирәк? Бу сорауга медицина фәннәре кандидаты, балалар табибы, Балалар республика хастаханәсенең балалар пульмонологы Илнур Закиров җавап бирде.
“Әгәр илкүләм программаны күздә тотсак, ковидтан вакцинаны ниндидер аерым бер вакцина дип карау кирәкми. Иң элек бала сәламәт булырга тиеш. Баланы нәкъ менә вакцина ясар алдыннан, кичә дә, иртән дә түгел, вакцина ясар алдыннан табиб карарга тиеш. Әгәр дә тән температурасы нормада, баланың вакцина ясатмаска дигән каршылыклары юк икән, ясарга ярый.
Аутоиммун авырулары булган балалар белән генә бар нәрсә дә аңлаешлы түгел. Бу башка вакциналарга да кагыла. Берәү дә андый авыру балага вакцина ясау буенча җаваплылыкны үзенә алмый.
Башка төрле авырулар да вакцина ясатуга каршылык тудырырга мөмкин. Әмма һәр авыруга индивидуаль карау таләп ителә. “Спутник-М”ның инструкциясен укысак, анда калкансыман биз, бөер авырулары хакында да язылган. Әмма авыру белән авыру аерыла.
Гомумән алганда, менә шул авырулар буенча чикләүләр бар. Ә башка чикләүләр юк дияргә мөмкин.
Комментарийлар