Күседән соң кеше: яман шешкә каршы вакцинаны сыныйлар

Бу хакта Гамалея исемендәге эпидемиология һәм микробиология фәнни-тикшеренү үзәге директоры, Россия Фәннәр академиясе академигы Александр Гинцбург хәбәр итте.

Апрель аенда КФУ Россиянең вакцина өстендә эшләүгә кушылган 18 учреждениесенең берсе булды. Университет галимнәре онкологик авыруларны дәвалау методларын эшләү өчен шешләрнең аеруча сизгер типларын билгеләргә тиеш иде. Төп бурыч тулы кыйммәтле иммун системасы булган тычканнарда яман шеш моделен эшләү булды. Әзер дару формаларына әверелгәнче, барлык препаратлар галимнәр тарафыннан булдырылган хайваннар модельләрендә сыналачак.

-    Гамәлдәге эш планы тулы күләмдә тормышка ашырылса, якынча ике айдан соң меланома белән авыручыларның беренче төркеме бу препаратны ала башлаячак. Әлбәттә, эксперименталь режимда, - ди Гинцбург. 

Вакцинаны нәтиҗәләре уңышлы булу очрагында аны яман шешнең башка төрләренә дә масштаблаштырырга ниятлиләр.