Кызын кыйнаган рәхимсез ата суд каршына баскан

Зәйдә 55 яшьлек ир-атны кызын кыйнаган өчен хөкем иткәннәр. Бу хакта ТР прокурорының ММЧ белән элемтә буенча өлкән ярдәмчесе Руслан Галиев хәбәр итте.
Рәхимсез әтигә карата РФ Җинаять Кодексының 117 маддәсенең 2 өлеше (балигъ булмаган баланы газаплау) һәм РФ Җинаять кодексының 156 маддәсе (балигъ булмаганнарны рәхимсез мөгамәлә белән тоташтырган балигъ булмаганнарны тәрбияләү бурычларын үтәмәү) буенча гаеп белдерелгән.
Ачыкланганча, 2019 елның мартыннан 2020 елның сентябренә кадәр гаепләнүче үзенең кызын берничә тапкыр кыйнаган. Шул ук вакытта ир-ат үз ата-ана бурычларын тиешенчә үтәмәгән, шул исәптән баланың психик һәм әхлакый үсеше өчен нормаль шартлар тудырмаган.  
Әти кеше үз гаебен таныган һәм кылганнарына үкенгән. Суд аңа шартлы җәза билгеләгән - 3 ел 2 ел сынау срогы белән 1 ай иректән мәхрүм итү.

Фото: http://pixabay.com