Лагерьларда санитар нормалар үтәлми

Роспотребнадзорның Татарстан буенча идарәсе җәйге лагерьларны тикшергән. Нәтиҗәдә, республикадагы барлык җәйге сәламәтләндерү лагерьларының 99,5 процентында санитар нормалар үтәлми икән. Саннар теленә күчсәк, тикшерелгән 386 оешмага: 1 096 937,5 сумлык штраф салынган. Тагын 72 административ эш кузгатылырга тора. Җитешсезлекләрнең күбесе - уртак файдалану урыннарындагы тиешле режимның үтәлмәве, азык-төлек саклау шартларының бозылуы, аш бүлмәсе кирәк-ярагын эшкәртү кагыйдәләре үтәлмәве белән бәйле.