Мамадыш районында яшәүчеләр 5G кәрәзле вышка куюга каршы чыктылар

Вакыйга урынында төшерлегән видео тиз арада бөтен социаль челтәрләр буйлап таралган. Пенсионерлар "Әйдә! Нәрсәдән куркасыз?"дип, вышка урынын казучы эшчеләргә комачаулар өчен казылган чокырга төшеп бастылар.
Җирле халык булачак вышкадан нурланыш таралыр да, шуннан зарарланырбыз дип курка. Урынга полиция хезмәткәрләре дә килгән. Салкынга карамастан, каршы килү акциясе биш сәгать дәвам иткән.
Татарстан цифрлы үсеш министры Айрат Хәйруллин моңарчы Татарстанда бүгенге көндә 5G элемтәсенең бер генә линиясе дә юк дип белдергән иде инде. Айрат Хәйруллин шулай ук 5G 4G фундаменталь вышкаларыннан берни белән дә аерылмый, дип ассызыклады.