#Кыскача яңалыклар 07 апреля 2019, 07:30

Марафонда катнаш һәм ГТО тапшыр

07 апреля 2019, 07:30

3 км дистанцияне сайлаган Казан марафонында катнашучылар аны 4 майда «Хезмәткә һәм оборонага әзер!» (ГТО) комплексы исәбенә үтә алачак. Моның өчен физкультура-спорт тәрбиясе системасында теркәлгән булырга кирәк.

Скопировать ссылку

Чараны оештыру комитеты 3 км дистанцияне узган катнашучыларның мәгълүматларын ГТО Бөтенроссия физкультура-спорт комплексына (gto.ru) тапшырачак. Дистанция, катнашучы финишта булса гына, исәпкә алыначак, дип хәбәр итә TIMERMAN спорт чаралары сериясе матбугат хезмәте.

Исегезгә төшерәбез, Казан марафоны Татарстан башкаласында 4-5 майда узачак. Чара кысаларында Россия чемпионаты булачак, шуңа бәйле рәвештә марафон трассасы үзгәртелгән. Марафон бер әйләнәдә узачак һәм шәһәрнең яңа маршрутларын колачлаячак: ике күзәтү боҗрасы, Кремль һәм Киров дамбалары һәм Миллениум күпере.