Медведев кабат "Бердәм Россия" партиясе рәисе итеп сайланды

Дмитрий Медведев "Бердәм Россия" сәяси партиясе пандемия эзләрен бетерү буенча күпме-  кирәк булса, шуның кадәр эшләячәк, дип белдерде. 

"Безнең депутатларыбыз, волонтерларыбыз җилкәсенә өстәмә бурычлар йөкләнә. Без мөмкин кадәр күбрәк кешегә вакцинациянең мөһимлеген җиткерергә тиеш",- диде Медведев партия съездында ясаган чыгышында. 

Съезд вәкилләрен Президент Владимир Путин дистанцион сәламләгән иде. Президент партиянең эшен югары бәяләде һәм "Бердәм Россия" кыен шартларда да лидер булып калуын искәртте.

Бүген партия җитәкчелеге дә сайлап куелды. Рәис вазыйфасын кабат Дмитрий Медведев башкарачак.