Менә сиңа батырлык! 8 яшьлек малай батучы баланы коткарган

Әлеге хәл турында өлкәнең спорт министры Рамил Егоров хәбәр иткән. Түрә сүзләренчә, Ульянoвскта яшәүче 8 яшьлек Таһир Абитов әнисе белән бистәдәге бассейнга килгәннәр. Йөзгән вакытта Тимур бассейн төбендә баланы күреп ала.

Малай ике дә уйламыйча, аның янына чума һәм инде зәңгәрләнә башлаган баланы өскә күтәрә. Әнисе белән бергә алар баланы селкеткәлиләр, авыз эчендәге суны чыгаралар, ә аннан соң ясалма сулыш һәм туры булмаган йөрәк массажы ясыйлар. Хәзер инде Тимур тарафыннан коткарылган Игoрь исемле малай хастаханәдә һәм тернәкләнүгә таба бара.