Мэр указы : антитәнчекләре булмаганнар кафе-рестораннарга кертелмәячәк!

Мәскәү мэры Сергей Собянинның яңа указы нигезендә, ковидтан вакцина ясатучылар һәм антитәнчекләре булганнар гына җәмәгать туклану урыннарына йөри ала. Шулай ук кафе һәм рестоаннарга тискәре ПЦР тест нәтиҗәләре булучыларны кертергә рөхсәт ителә.

"Коронавирустан саклану чарасы булу махсус
QR-код белән раслана",- диелә хәбәрдә.

Моннан тыш, 22 июньнән алып Мәскәүдә массакүләм чараларда халык санын 500 гә кадәр чикләү кертелә. Бу ачык һавада үткәрелгән чараларга да, бина эчендәгеләргә дә кагыла.

Собянин концерт, театрларга һәм кинотеатрларга да QR-код системасын кертергә киңәш иткән.