#Кыскача яңалыклар 24 декабря 2016, 04:07 Уку өчен 2 минут

Милләт файдасына эшләячәк

24 декабря 2016, 04:07

Уку өчен 2 минут

Киләсе елның гыйнварында Мәскәүнең «Энтузиаст» кинотеатрын Татарстанга кулланышка тапшыру көтелә. Анда Татар тарихы һәм мәдәнияте үзәген ачу планлаштырыла, дип хәбәр итә «Татар-информ» агентлыгы.

Скопировать ссылку

Бу хакта Татарстанның Россиядәге вәкаләтле вәкиле Равил Әхмәтшин Татарстан Президенты карамагындагы Ватандашлар эшләре буенча координацион советның чираттагы утырышында белдергән.

- Яңа бина безнең якташларыбызны тагын да берләштерергә, татар тарихы музеен ачарга, милли аш-су залын булдырырга ярдәм итәчәк, кинозалдан файдалану мөмкинлеге тудырачак, - ди Равил Әхмәтшин.

Аның сүзләренчә, әлеге музейда чит илләрдә яшәүче татарлар турында да мәгълүматлар тупланачак.

Кызыклы яңалыкларны күзәтеп бару өчен Вконтактега кушылыгыз.

#250