#Кыскача яңалыклар 15 апреля 2019, 12:10 Уку өчен 2 минут

Минималь хезмәт хакы алучы россиялеләргә «бүләк» ясыйлар

15 апреля 2019, 12:10

Уку өчен 2 минут

Түбән хезмәт хакы алучы россиялеләрне физик затлар кеременә салынган салым (НДФЛ) түләүдән азат итәргә мөмкиннәр.

Скопировать ссылку

Бу хакта «Известия» социаль-хезмәт мөнәсәбәтләрен җайга салу буенча өч яклы комиссиягә сылтама белән хәбәр итә.

Хезмәт кодексы буенча эш бирүче хезмәткәргә минималь хезмәт хакы күләменнән азрак түли алмый. Ул яшәү минимумына тигез һәм уртача 11,3 мең сум тәшкил итә. Шул ук вакытта НДФЛ түләгәннән соң, хезмәткәр бары 9,8 мең сум гына ала. Бу очракта аның кереме яшәү минимумыннан азрак була.

Росстат мәгълүматларына караганда, хәзер 11 миллион кеше 13,8 мең сум күләмендә хезмәт хакы ала.

Экспертлар Минималь хезмәт хакы алучы россиялеләрне НДФЛдан азат итү тәкъдимен гадел дип атый, әмма «конвертларда» хезмәт хакы алучылар саны артырга мөмкин дип кисәтә.

Татар-информ

Кызыклы яңалыкларны күзәтеп бару өчен Вконтактега кушылыгыз.