Мәктәпкә баручы балаларның ата-аналарына ял бирмәкчеләр

Мондый тәкъдим белән Прогрессив белем бирү институты җитәкчесе Анна Маркс Россия вице-премьеры Татьяна Голиковага чыккан, дип хәбәр итә РИА Новости.

Институт илнең 75 төбәгендә бу темага сораштыру үткәргән. Нәтиҗәдә сораштыруда катнашкан ата-аналарның 83 проценты баласын беренче сыйныфка озату өчен үз хисабына ял алырга җыенуын белдергән. Кайберләре 1 сентябрь көнне эшкә соңрак килергә рөхсәт соравын, икенчеләре исә эштән җибәрмәячәкләрен әйткән.