#Кыскача яңалыклар 17 сентября 2021, 15:11 Уку өчен 2 минут

Мәктәпкә пычак белән килгән

17 сентября 2021, 15:11

Уку өчен 2 минут

Чаллыда бишенче сыйныф укучысы Tik-Tokка видеоролик төшерү өчен мәктәпкә пычак алып килгән. Әлеге хәл 13 сентябрьдә булган.

Скопировать ссылку

Яр Чаллы мэриясе матбугат хезмәте хәбәр итүенчә, шәһәр мәктәпләренең берсендә белем алучы 5 сыйныф укучысы мәктәпкә яшелчәләрне чистарту өчен кулланылучы пычак алып килгән. Кыз TikTok социаль челтәре өчен ролик төшерергә теләгән.

Укучының сыйныфташлары бу хакта укытучыга сөйләгән. Пычакны кызның кулыннан алганнар һәм бу хакта балигъ булмаганнар эшләре буенча полиция бүлеге хезмәткәренә хәбәр иткәннәр. Бишенче сыйныф укучысы учетка куелган, сыйныф белән психолог очрашып сөйләшкән, әти-әниләр белән җыелыш үткәргәннәр.

Кызыклы яңалыкларны күзәтеп бару өчен Вконтактега кушылыгыз.

#мәктәп #пычак