Мобилизацияләнүчеләргә хатыннары белән гаилә счеты ачарга киңәш итәләр

Россия юристлары ассоциациясе мобилизация буенча чакырылган гражданнарга хатыннары белән махсус уртак счетлар ачарга киңәш итте, дип яза “Российская газета”. Шул рәвешле хәрби кеше бик еракта булганда да гаиләсе турында кайгырта алачак: акча уртак исәпкә киләчәк һәм аны хатыны да куллана алачак. Юристлар әйтүенчә, мондый мөмкинлек ике ел элек кенә барлыкка килгән һәм аның турында бөтен кеше дә белми. Уртак счетны бөтен кеше дә ача ала: дуслар, туганнар, танышлар. Әмма иң күбе аны ирле-хатынлылар ача икән. Шуңа да аны гаилә счеты дип тә атыйлар.