Мәскәүдә яңа чикләүләр һәм озын яллар игълан ителде

Мәскәү мэры Сергей Собянин башкалада коронавируска бәйле вәзгыять катлаулану сәбәпле, яңа чикләүләр кертте.
Мэр указы нигезендә, Мәскәүдә 13-20 июнь көннәре эш көннәре булмаячак. Әмма хезмәт хакы саклана.
13 июньнән алып эш бирүчеләргә хезмәткәрләренең кимендә 30 процентын дистанцион режимга күчерергә тәкъдим ителә. Шулай ук вакцина кадатмаган 65 яшьтән өлкәнрәк хезмәткәрләр дә өйдән эшләргә тиеш була.
Шулай ук 13-20 июнь көннәрендә зоопарклар, фудкортлар, балалар өчен уен бүлмәләре дә эшләмәячәк. Барлар, кафелар, төнге клубларга  23.00 дән 6.00 гә кадәр хезмәт күрсәтү тыела.