Татарстанның бер районында дүртенче һәм аннан соңгы бала туу өчен түләргә уйлыйлар

Закон проекты коррупциягә каршы экспертиза уза. Түләү күләме 200 000 сум булыр дип көтелә. Аны алу өчен Апас районы территориясендә кимендә бер ел яшәргә кирәк. Яшәү урыны буенча теркәлү факты паспорт белән расланачак.

Әгәр закон проекты кабул ителсә, ул 2026 елның 1 гыйнварыннан гамәлгә керәчәк.