Муса Галләмов тагын бер серне ачты

Муса Галәмов бүген Бөтенроссия авыл Сабан туенда абсолют батырга калды, әмма Татарстан Президенты Рөстәм Миңнеханов исеменнән бирелгән төп бүләк - автомобильгә ия булмады. Машина иясе - Ранис Гыйләҗетдинов. Бу хакта укырга: Сабантуй машинасы бу юлы да абсолют батырга эләкмәде, Муса Галләмов: "Оятсызлык бу. Җирәбә уйнатканда да 130 диделәр бит башта!"

Сабан туе тәмамлангач та, ШК хәбәрчесе Муса белән сөйләшеп алды. Анда ул Мусаның кайсы район өчен көрәшүе белән кызыксынды.

- Тумышым белән мин Мари Иленнән, ләкин инде шактый вакыт Татарстан өчен көрәшәм.Моңа кадәр Теләче районы өчен көрәшсәм, бүгенге көннән мин инде Лаеш районы данын яклаячакмын. 

Лаеш районы өчен Динар Кәримуллин да, Ранис Галимуллин да көрәшә инде. Ренас Кәлимуллин әлегә алар өчен көрәшми, ләкин соңгы араларда еш кына шулар компаниясендә күренгәли башлады. "Утсыз төтен булмый", диләрме әле? Бәлки уты инде бардыр, төтенен генә көтәсе калгандыр...