Путин: "НАТО безне алдады”

Журналистлар белән очрашу барышында, Президент Владимир Путин НАТОның Россиягә биргән вәгъдәсен үтәмәве хакында сүз кузгалтты.

“90 нчы елларда Көнчыгышка бер дюйм да үтмибез диделәр. Ә чынлыкта? Ал-да-ды-лар. Оятсыз рәвештә алдадылар. НАТОны киңәйтү буенча биш дулкын булды. Хәзер инде Румыния, Польшада шундый системалар барлыкка килде. Сүз шул хакта. Без кемгәдер янамыйбыз. Без АКШ чикләре янына килдекме? Әллә Бөекбритания чикләренәме? Безнең чик янына килделәр”, - диде Владимир Путин.