Олы Кариле авылында Өлкәннәр көнен билгеләп үттеләр (+ фото)

Бәйрәмгә килүчеләр өчен авыл советы җирле үзидарәсе мул табын да оештырган. Ул үзенә күрә Корбан ашы да иде, корбанлыкны "Кызыл Шәрык-Агро" агрофирмасы хуҗасы Айрат Хәйруллин биргән. Табын артында утырган Ирек Гатин, Зөлхәбирә Хәбибрахманова мөнәҗәтләр укыды. Авыл өлкәннәре мәктәп укучыларының концертын да яратып карады. Мәдәният йорты директоры Илсур Кәримуллин алар өчен сюрприз да әзерләгән. Элеккеге мәктәп директоры булып эшләгән Илсур абый әбиләргә унөч ел элек оныклары алар турында язган иншаларны укып күрсәтте. Бәйрәмне оештыручыларга өлкәннәр рәхмәтләрен җиткерде.