Озак еллар Театр факультетын җитәкләгән Фирдания Садриева вафат

Казан мәдәният институты профессоры, Татарстанның атказанган мәдәният хезмәткәре Садриева Фирдания Исмәгыйль кызы 75 яшендә вафат булган. Бу хәбәрне мәрхүмәнең туганнары раслады, дип яза "Татар-информ"

Фирдания Садриева инфаркт кичереп тернәкләнеп килә иде. Кичә кинәт хәле начарланып киткән һәм ашыгыч ярдәм чакырганнар. Хастаханәдә аның йөрәге туктаган. Туганнары әйтүенчә, әлегә нидән үлгәнлеге билгеле түгел.

Фирдания Садриеваның бердәнбер кызы Эльвира Финляндиядә яши. «Юллар ябык булу сәбәпле ул әнисен җирләргә кайта алмас инде», — ди туганнары.

Фирдания Садриева озак еллар Казан мәдәният институтында Театр факультетын җитәкләде.