16+

Пандемия “Балкыш” фестивален үткәрергә комачауламады

Казанда ветераннар арасында үзешчән башкаручыларның «Балкыш» VI Республика фестивале лауреатлары гала-концерты узды. Г.Тукай исемендәге Татар дәүләт филармониясендә үткәрелгән чара быел “онлайн-трансляция" форматында оештырылды. 

Казанда ветераннар арасында үзешчән башкаручыларның «Балкыш» VI Республика фестивале лауреатлары гала-концерты узды. Г.Тукай исемендәге Татар дәүләт филармониясендә үткәрелгән чара быел “онлайн-трансляция" форматында оештырылды. 

Иң элек ветераннарны Татарстан Республикасы Дәүләт Советы Рәисе Фәрит Мөхәммәтшин сәламләде. “Хәерле көн, кадерле дуслар, хөрмәтле ветераннарыбыз, фестивальне оештыручылар, жюри әгъзалары! Республика җитәкчелеге һәм шәхсән үз исемемнән барыгызга да бик зур рәхмәт әйтәм. Нигә дигәндә, традицияләрне саклап, әлеге фестиваль ел саен Казанның зур сәхнәсендә зур концерт белән тәмамлана. Катнашучыларның елдан-ел артуы сөенечле күренеш. Узган ел 117 лауреат булса, быел аларның саны 176 булды. Татарстан Президенты Рөстәм Миңнеханов әйткәнчә, мин Сезгә үз-үзегезгә ышаныч телим”, - диде ул.

Фәрит Мөхәммәтшин Ветераннар советы рәисе урынбасары Нина Вәлиуллинаны актив җәмәгать эшчәнлеге һәм республиканың ветераннар хәрәкәтен үстерүгә керткән өлеше өчен “Данлы хезмәт өчен” Татарстан Республикасы медале белән бүләкләде. 

Быелгы чара Бөек Җиңүнең 75-еллыгына һәм ТАССРның 100-еллыгына багышланды. Алтынчы тапкыр үткәрелүче “Балкыш” фестивалендә 55 яшьтән өлкәнрәк татарстанлылар катнашты. Аларны 14 кеше составындагы мәртәбәле жюри бәяләде. 

Оештыручылар әйтүенчә, быел фестивальне үткәрү җиңел булмаган, коронавирус комачаулаган. Әйтик, сайлап алу турларын бөтенләй башка төрле, яңача үткәрергә туры килгән. Фестивальнең эшче төркемнәре бөтен Татарстанны урап, катнашырга теләүчеләрне төшереп кайткан. Ә инде жюри әгъзалары шул видеоларны бәяләп, лауреатларны сайлаган.

Казанның Г.Тукай исемендәге Татар дәүләт филармониясе сәхнәсендә Татарстанның Алексеевск, Спас, Нурлат, Әтнә, Аксубай, Арча, Балык Бистәсе, Кукмара, Саба, Балтач, Минзәлә, Сарман, Мөслим, Буа, Кама Тамагы районнарыннан, Чаллыдан катнашучылар бар иде. Гала-концертны залда утыручылар гына түгел, онлайн эфир аша һәркем карый алды. Лауреатларның ихлас күңелдән горурланырлык чыгышлары һәркемнең күңеленә хуш килгәндер.

Эльвира ШАКИРОВА

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading