#Кыскача яңалыклар 28 декабря 2020, 14:19

Присяжныйлар Шәмсетдиновны хезмәттәшләрен үтерүдә гаепле дип таныды

28 декабря 2020, 14:19

Присяжныйлар бертавыштан солдат Рамил Шәмсетдиновны берничә хезмәттәшен үтерүдә, шулай ук үтерүгә һөҗүм итүдә гаепле дип таныды. Шул ук вакытта алар билгеләп үткәнчә, ул мәрхәмәткә хокуклы, дип хәбәр итә РИА Новости.

Скопировать ссылку

Читадагы Икенче көнчыгыш өлкә хәрби судында Рамил присяжныйларның карарын тыңлады. Прокурорлар һәр утырыш саен гаепләнүче мәрхәмәткә лаек түгел дип кат-кат кабатлап килде.

2019 елның 25 октябрендә Шәмсетдинов каравыл тапшырганда хезмәттәшләренә ут ача. Нәтиҗәдә, сигез кеше һәлак була, тагын икесе авыр тән җәрәхәтләре алган. Солдат үз гамәлен дедовщина һәм хәрби частьтә көч куллану белән аңлаткан.
Рамил гаебен таныган, психолог-психиатрия экспертизасы аңарда психологик тайпылышлар тапмаган. Аңа гомерлеккә ирегеннән мәхрүм ителү куркынычы яный.
Агымдагы елның мартында Чита гарнизон хәрби суды Шәмсетдинов белән хезмәт иткән Рөстәм Мөхатовны ике елга шартлы рәвештә ирегеннән мәхрүм ителү һәм 30 мең сумлык штраф түләү шарты белән хөкем карары чыгарды. Ул сержант боерыгы буенча, солдатларны берничә сәгать физик күнегүләр башкарырга мәҗбүр итүен, аларны боксер перчаткасы киеп йодрык белән кыйнавын һәм Шәмсетдиновка берничә тапкыр типкәнен әйткән.

Фото: http://pixabay.com

Кызыклы яңалыкларны күзәтеп бару өчен Телеграм-каналга кушылыгыз.

#армия #Россия армиясе #Рамиль Шамсутдинов #дедовщина #Шамсутдинов