Путин Россия автомобильләренә бәяләр артуын аңлатты

Бу хакта Россия Президенты Владимир Путин ел йомгакларын ясаганда аңлатты.

— Бәя 40 процентка кадәр җиткән. Ләкин 40% та күп, мин аңлыйм. Европа, Япония, Көньяк Корея брендлары Россиядән киткәч, берничә сорау туды. Әлбәттә, алар компонентлар белән киттеләр, - дип искәртте Россия лидеры.

Ул билгеләп үткәнчә, Россия автомобиль җитештерүчеләре чит ил партнерларына бик нык өметләнгән, әмма алар киткәннән соң үз техник базасын үстерү мәсьәләсе барлыкка килгән. Хәзерге вакытта компанияләр кирәкле детальләрне сатып ала, әмма аларның бәяләре югары. Ахыр чиктә бу продукциянең бәясенә тәэсир итә. Моннан тыш, алар чагыштырмача кечкенә күләмдә машина чыгаралар.

Шулай ук Путин вәгъдә иткәнчә, безнең җитештерүчеләр күбрәк машиналар чыгарган саен, машина бәясе түбәнрәк булачак. Аның сүзләренчә, "АвтоВАЗ"компаниясе җитештерүне үстерү юлыннан киткән инде. Шулай ук бу һәм башка компанияләр үз платформаларын булдыралар һәм үстерәләр , бу да вакыт узу белән машиналарны арзанрак итәргә тиеш.

Моннан тыш, сәнәгать һәм сәүдә министрлыгы автомобиль компонентлары җитештерү тармагын торгызу өстендә эшли.