Путинны төзәткән укучының сүзләрен Кремльдә оятсызлык дип санамыйлар

"Без ышанабыз, беркем дә бу баланы куып чыгармаячак, өстәвенә, мондый талантлы һәм шундый белә торган баланы", - дигән Песков.
Президентның матбугат сәркатибе билгеләп үткәнчә, Кремльдә мәктәп директоры позициясе белән бөтенләй килешмиләр, ул, хәбәр ителгәнчә, укучының үз-үзен тотышын "яшьләргә хас оятсызлык" дип атаган.
Песков ассызыклаганча, Путин онлайн-дәресне диалог дип атаган, ул фактларның дөреслегенә диккатьлек белән карый, еш кына кемнедер төзәтә һәм  шундый төзәтмәләрне башкалардан да тыңлый.

1 сентябрьдә Путин Владивостоктагы "Океан" балалар үзәгендә "Знание" җәмгыяте оештырган мәгърифәтчелек марафоны кысаларында мәктәп укучылары белән аралашу барышында Пётр I Швеция белән алып барган сугышны җиделлык дип атады.
"Гомумән алганда, бу җиде еллык сугыш түгел, ә бары тик Төньяк сугыш дип атала", - дип ачыклык кертте очрашуда катнашкан бер укучы.
Җавап итеп Путин: "Әйе, төзәтүегез өчен рәхмәт", диде